أهلا وسهلا بكم أعضاء وزوار منتدى النكت
ومرحبا بكم من جديد في موضوعي
اليوم سأقدم لكم نكت مغربية أتمنى ان تنال إعجابكم
هادا واحد الزقرام حط الليمون ياكلو.
حل الأولى، لقاها خامجة ولاحها.
حل التانية، لقاها خامجة ولاحها.
وهو يطفي الضو وحل التالتة دغية وسرطها بلا ما يشوف فيها
واحد الراجل شارف مشى عند ولدو وقال ليه: شوف ولادك تبارك الله ما يكميو، ما يديروا معصية، وديما يصليو ف الجامع، ونتا عاطيها للgارو وعمرك ما صليتي ف الجامع وكدير المنكر. ما حشمتيش؟
قال ليه ولدو: هادو ولادي أنا، وأنا اللي مربيهم. وأنا؟ شكون مربيني؟
واحد التلميد قال للمعلم: واش ممكن شي واحد يتعاقب على شي حاجة ما دارهاش؟
قال ليه المعلم: لا!
قال ليه التلميد: إيوا راه ما درتش التمارين.
المرا: أشنو وقع؟
الراجل جوابها من الحمام: والو، غير القميجة طاحت.
المرا: ولكن داكشي اللي سمعت تقيل.
الراجل: اه، حيت كنت ف القميجة
مبوق وقف مورا واحد مكلخ ف الgيشي.
شوية بدا المبوق كيضحك.
سولو المكلخ: علاش كضحك؟
قال ليه المبوق: عرفت الكود ديالك.
قال ليه المكلخ: أشنو هو يالاه؟
قال ليه المبوق: نجمة، نجمة، نجمة، نجمة.
شبع فيه المكلخ ضحك وقال ليه: غلط، الكود ديالي هو 4011
واحد قال لصاحبو: سلفني 500 درهم الله يرحم بيها الواليدين.
قال ليه صاحبو: 200 درهم اللي عندي.
قال ليه لاخور: ماشي مشكل، عطيها ليا ونبقى نسالك 300 درهم
واحد البنت كانت غادية ف الطريق، شوية وقف عليها واحد خينا عجباتو.
قال ليها: عطيني التلفون ديالك.
البنت يصحابها شفار، رمات ليه البورطابل ومشات تجري
واحد المبوق هز التلج من التلاجة، وهو يبدا يقطر ليه.
بدا يشوف فيه شحال وهو يقول: نموت ونعرف فين مشقوق
الزوج : فيا الجوع
الزوجة : أنا مريضة
الزوج : ما عندك زهر، كنا غادي نخرجوا نتعشاو برا أنا وياك
الزوجة : ھھھهه كنت كنضحك معاك يالاه نمشيو نتعشاو
الزوج : حتى كنت كنضحك معاك سيرى وجدي لعشا
واحد الرباعة مجمعين وكيتناقشوا.
اللي يقول شي حاجة كيحلف والله والله
ناض واحد فيهم قال ليهم: وا غير هدروا بلا ما تحلفوا بالله.
رد عليه واحد اخر: والله ما كدبتي!
واحد البنت كانت كتشوف راسها ف المرايا، وهي تعيط لأمها: ماما، ماما، ماما.
قالت لها أمها: مالكي؟ علاش كتغوتي؟
قالت ليها البنت: ما بقاوش غادي ينوضوا ليا الحبوب في وجهي
قالت ليها أمها: وباش عرفتي؟
قالت لها البنت: لحقاش ما بقاتش بلاصة
قالوا ليه : نوض تخدم
قال ليهم : علاش؟
قالوا ليه : باش دير الدار
قال ليهم : علاش؟
قالوا ليه : باش تزوج
قال ليهم : علاش؟
قالوا ليه : باش دير وليدات
قال ليهم :علاش؟
قالوا ليه : باش يخدموا عليك
قال ليهم :علاش؟
قالوا ليه : باش ترتاح
قال ليهم : راني هاكا مرتاح، علاش ندور هاد الدورة كاملة؟
هادا واحد المكلخ ساقط أربع سنين فالتحضيري.
جا عندو المدير، قال ليه: واش نتا غادي تبقى غي لاصق ليا ف هاد المدرسة؟
ناض الدري كعا، هز شكارتو وخرج. قال ليهم: لهلا يداوي بوكم.
كان معول يولي طبيب.
واحد المعلم سول واحد التلميد، قال ليه: أش بغيتي تكون فاش تكبر؟
قال ليه التلميد: بغيت نكون ولد الحرام.
قال ليه المعلم: علاش أولدي؟
قال ليه التلميد: حيت بابا فاش كيشوف شي حد عندو طوموبيل واعرة كيقول ليه: ولد الحراااااام
واحد ووحدة مشاو للبحر، وجالسين ساكتين
قالت ليه برومانسية: كتفكر؟
قال ليها: اه
قالت ليه حشمانة: فاش كتفكر؟
قال ليها: كنفكر... إيلا كان هاد البحر كولو مرقة، شحال من خبزة تقدو
واحد محشش جالس ف القسم، كل شوية كيضحك
ف التالي ضحك واحد الضحكة بالجهد
قال ليه المعلم: نتا مالك واش تسطيتي؟
قال ليه المبوق: راه كنت كنعاود لراسي النكت، واخر وحدة أول مرة نسمعها
هدا وحد مشا لراس الدرب هو يلقاه قرع
استاد ديما يسول دراري ..باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات
هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس
جا
واحد النهار البقال طلع ليه الدم و قال مع راسو و الله اليوم ما نخاف منه
و اللي بغا يكون يكون . ايوا جا عنده ديك الراجل و قال له عطيني كوكا ولا
جا البقال رد عليه :ولا شنو ؟؟؟؟ رد عليه الراجل و قال له: ولا فانتا .
واحد السكران بغا يقطع الكارو و هو يقول في راسوا ولا بغيت نقطعوا خاصني نجلس بوحدي فشي قهيوة و ناخد قهوة كحلة و نكمي شي كارو عاد نفكر واش نقطعوا
إلى هنا نصل لنهاية هذا الموضوع البسيط أتمنى ان تكون قد أعجبتكم النكت .
موضوع: !!. •• نكت مـغـربـية •• .!! 
الجمعة فبراير 22, 2013 6:18 pm
